: চল গৌ কাকা । নাই যাবি নেকি ? তিনটা গাড়ী দেইছে বলে ?
দীঘলকৈ হুমুনিয়াহ এটা কাঢ়ি ঠুংৰুৱে ক'লে --
: হামি এইবাৰ নাই যাব ৰেই ৰামধন । ঘৰে খাতেলে কন' নাইখে । লকডাউনে কাম কৰতে নাই পাৰলি নহয় । খাতে -পিতে এইকেইদিন বাড়া দিগদাৰী হছে ৰে । তৰাই যাবি ত যা ।
ওচৰতে খেলি থকা ঠুংৰুৰ ল'ৰা ফুচকুৱে সুধিলে --
: কাঁহা যাতে চং ধৰছে বা । যাতেলে আৰ অত গাড়ী কেনে দিছে ?
ওচৰতে থিয় হৈ থকা ৰামধনে ক'লে --
: মে দিৱস যাতেলে চং ধৰছি আক । প্ৰত্যেক বছৰেই পাতে । এইবাৰ ঐ যে বগী বাগানে পাতেছে । চামনে হ'লেও তিনটা গাড়ী দেই দিছে ৰেই । মুই ত বলছি ঠুংৰু কাকা তুই ভী চল । ঘুৰে - ভিৰে বাড়া মস্তি কৰব ।
ঠুংৰুৰ ল'ৰাটোৱে আকৌ সুধিলে---
: বা গৌ মে দিৱস মানে কি ? ওহাঁ বহুত ফুৰ্তি লাগে নেকি ?
ঠুংৰুৱে ল'ৰাটোৰ মূৰত হাতখন বুলাই বুলাই ক'লে---
: মে দিৱস মানে মে দিৱসেই । ঐ দিন বাগান ছুটী থাকে । কন' বাগানে বাড়কা ডাঙৰলে একটা মিটিং পাতে । হুঁৱা যাতেলে বাগানে বাগানে ফ্ৰি গাড়ী দিয়ে । হামৰাও একদিন ঘূৰতেলে সময় পায় । মিটিঙে ডাঙৰ ডাঙৰ মানুষগিলা বাত বলে । হামৰা চট চট মানুষগিলা ঐগিলা কখনৌ শুনি । কখনৌ নাই শুনি । বেছি ভাগেই বাত বুঝাই নাই পাই ত । হঁ , একটা বাত কিন্তু - হুঁৱা ঢেইৰ মানুষ থাকে যে ঘূৰতেলে মেলা ৰকম মজা লাগে ।
ৰামধনে কৈ উঠিল ---
: অহে খাতিৰ ত হামি যাছি কাকা । এহে চলে চামনে থাকা ফুফু ঘৰেও থড়া গতিয়া খাই আচব ।
ঠুংৰুৰ ল'ৰাটো বাপেকৰ হাতত ধৰি টানি টানি ক'লে----
: চল ন গৌ বা । অ'ত ফুৰ্তি লাগে যদি হামৰাও যাব চল' ।
ঠিক সেইটো সময়তে ঠুংৰুৰ ঘৈনীয়েকে ঘৰৰ ভিতৰৰ পৰা চিঞৰি উঠিল ---
: বাবুৰ বাপ শুনছি । ৰাতে খাতেলে একটাও দানাও নাইখে ঘৰে ।
ভোকৰ কথা শুনি ঠুংৰুৰ মানসপটৰ পৰা মে দিৱসৰ সকলো ভাল লগা স্মৃতি উৰি গ'ল ...
📝 ৰীতা গোৱালা